"முத்து நவ ரத்னமணி "என்று தொடங்கும் பாடல்

குருமஹிமை   இசை  புதிதாக சேர்க்கப்பட்ட பாடல்கள்  476-503

 புதிய வரிசை எண்  503

 "முத்து நவ ரத்னமணி "என்று தொடங்கும் பாடல்

 பாடலும் பொருளும் காண குறியீடு

http://www.kaumaram.com/thiru/nnt0967_u.html

                                                                              மதுரை திருத்தலம் 

                                                                                                                                                                     

                                                                                  

                                                                                    

                                                                                                                                                              

                                                                                      

                                                               பொற்றாமரை குளம்

    

                                                                  பொற்றாமரை                                                                                                                                                                                                                                                                                                                               

                

                                                            சில சிற்பக் காட்சிகள்                                                             

                                                                                      

                                                                                                                                                                  

                                                                                      

                                                                                                   

இந்த பாடலுடன்திருப்புகழ்வழிபாடுபுத்தகத்தில்புதிதாகசேர்க்கப்பட்டுள்ள

28 பாடல்களும்முடிவுற்றன.பெருவாரியானஅன்பர்கள்பார்த்துஅனுபவித்து துள்ளதை அறிந்து   பெருமகிழ்ச்சி  அடைகிறோம்  .தொடந்து  கருத்துக்களை அளித்து வரும் அன்பருக்கு இதயம் கனிந்த நன்றிகள் .

இந்த சந்தர்ப்பத்தில் குறிப்பிட வேண்டிய அம்சம்".குருஜி முத்துவில் ஆரம்பித்தார்.முத்துவில் முடித்தார்"  என்று ஆன்மீக விழாவில் பேச்சாளர்கள் குறிப்பிட்டார்கள்.நவரத்னங்களில் முத்துவுக்குத்தான் முதலிடம்.அது அசல். பட்டை தீட்ட வேண்டிய அவசியம் இல்லை.கடலுக்குள்  மூழ்கி எடுக்கப்படுகிறது..மற்றொரு அதிசயம்.உலகிலுள்ள பெரும்பாலான தேசங்களில் கடல் பகுதிதான் அதிகம்.நிலப்பகுதி குறைவு.ஆனால் அங்கெல்லாம் முத்துக்கள் அதிகம் கிடைப்பதில்லை.நம் பாரத தேசத்தில்தான் அதிக அளவில் எடுக்கப்படுகிறது'தூத்துக்குடி பகுதிகளில் தான் பெருவாரியாக கிடைக்கிறது.கடலில் மூழ்கி தங்கள் உயிரை பணயம் வைத்து அத்தொழிலில் ஈடுபட்டவர்கள் வாழ்க்கை நடத்துகின்றனர்.அதற்கு "முத்து குளித்தல் "என்று செல்லமாக பெயர் சூட்டியுள்ளனர்.

அருணகிரியாரும் அப்படித்தான் முத்துக்களை நமக்கு அளித்துள்ளார்.குருஜி யும் அப்படியே இசையுடன் அளித்துள்ளார்கள்.இரண்டு முத்து பாடல்களுக்கும் இடையே மற்ற நவரத்னங்கள் மிளிருகின்றன.

முத்துவில் ஆரம்பித்து முத்துவில் முடிந்த அதிசயத்தை நாம் அந்தாதி முறையில் எடுத்துக்கொண்டு மீண்டும்திரும்பிச்சென்று " முத்தைத்திரு" வில்  தொடருவோம்.

மற்றொரு அதிசயம். இரண்டு பாடல்களும் ஒரே பொருளில் அமைந்துள்ளத்துதான். 

அதை விளக்குகிறார்மும்பை  முலுண்ட் அன்பர் ஹரிஹரன் அவர்கள் 
பார்ப்போம்.                                                                                           

                                                                              பாடல் இசையுடன் 

                                                                17.10.2010 விஜய தசமி வழிபாடு 

                                                                                                         

                                                                 Utube  Link for ANDROID  and   IPA   

                                                                     https://youtu.be/Lo5q5OnDtH4

                                                                             அன்பர்கள் இசைக்கிறார்கள் 

           

                                                              Utube  Link for ANDROID  and   IPA   

                                                       https://www.youtube.com/watch?v=sNK0MTpdyLw

                                                                           குருஜி வகுப்பில் 

                                                       குருஜியின் குதூகலத்தை அனுபவிப்போம் 

  

                                                              Utube  Link for ANDROID  and   IPA   

                                                                                                                                                       https://www.youtube.com/watch?v=jq_HkTw-izc&feature=youtu.be

                                        பத்தர் மனது உற்ற சிவம் அருள்வாயே ..

                                                   முருகா சரணம் 

                     

அபிராமி அந்தாதி - 31

                                            அபிராமி அந்தாதி - 31
                                                              

உமையும் உமையொருபாகனும், ஏக உருவில் வந்து இங்கு
எமையும் தமக்கு அன்பு செய்யவைத்தார்; இனி எண்ணுதற்குச்
சமையங்களும் இல்லை; ஈன்றெடுப்பாள் ஒரு தாயும் இல்லை;
அமையும் அமையுறு தோளியர்மேல் வைத்த ஆசையுமே. :

அன்பரின் விளக்கவுரை 

உமையும் உமையொரு பாகனும் ஏக உருவில் வந்து "

உமையவளாகிய அன்னை அபிராமியும், அவளின் ஒரு பாகமாய் விளங்கும் ஈசனும் ஓர் உருவில் வந்து... சிவசக்தி சொரூபமாய், அர்த்த நாரீஸ்வரராய் எனக்குக் காட்சியளித்தார்கள். கிடைத்தற்கரிய பேறு அல்லவா? முன்னர் ஒரு பாடலில் இவ்வுருவைத்தான் அதிசயம் என்று பாடினார் அபிராமிப் பட்டர். அன்னையையும் அப்பனையும் ஏகவுருவில் காணும் பேறு பெற்றது அபிராமிப் பட்டர் செய்த பாக்கியம் அல்லவா...?

அவர்கள் வந்து என்ன செய்தார்கள் தெரியுமா?

"இங்கு எமையும் தமக்கு அன்பு செய்ய வைத்தார்" அவர்கள் இருவரும் ஓருருவாக இங்கு வந்து, எம்மையும் -( இவ்விடத்து அழுத்தம் கொடுக்கிறார் அபிராமிப் பட்டர்.) கீழோனான என்னையும் தம் மேல் அன்பு செய்ய வைத்தார்கள். எந்தவிதக் கெட்ட எண்ணங்களும் இன்றி, அன்னையின் மேல் முழு பக்தியாக இருந்த அபிராமிப் பட்டர், தன்னை மிகக் கீழோன் என்று குறிப்பிடுவது வியப்புக்குரியது இல்லையா!!

 இனி எண்ணுதற்குச் சமயங்களும் இல்லை; 

அவளுக்கு அன்பு செய்யுமாறு அந்தத் தாயே பணித்த பின்னர், வேறு எண்ணம் ஏதேனும் தோன்றுமா என்ன? இல்லை. நிச்சயமாகத் தோன்றாது. அவளுக்கு அன்புசெய்ய ஆரம்பித்து விட்ட பின்னர், எண்ணுதற்கு என்று வேறு எதுவும் இல்லை. எண்ணம் என்றே ஒன்று இல்லாமல் அல்லவா போய் விடுகிறது? சிந்தை என்று ஒன்றே அற்றுப் போய்விடுமானால்,மனிதப் பிறவியென்னும் சங்கிலித் தொடரினைப் பின்னிப் பிணைக்கும் நன்மையும் தீமையும் அற்றுப் போய் விடுமானால், வேறு மார்க்கம் எதுவும் தேடிப் போக வேண்டும் என்ற அவசியம் இல்லாமல் போய் விடுகிறது.

பேரன்பு கிடைத்த பின்னர் வேறெந்த சமயங்கள் வேண்டும்? இந்த பூஜையை செய்தால் இறையருளைப் பெறலாம்.. இந்த மந்திரங்களைப் படித்தால் இறையருளைப் பெறலாம். இந்த வழியில் நின்றால் இறையருளைப் பெறலாம். என்று பல்வேறு சம்யங்கள் உரைக்கின்றன.. ஆனால் உங்கள் மேல்வைத்த அன்பு ஒன்றே எனக்கு உங்கள் பேரருளைப் பெற்றுத்தந்து விட்டது. இனி நான் சிந்தித்துப் பார்ப்பதற்கு வேறு சமயங்கள் இல்லை..

அபிராமி சமயம் நன்றே ' என்ற கோட்பாட்டை மறுபடியும் சொல்ல விரும்பி, " இனி எண்ணுதற்குச் சமயங்களும் இல்லை " என்றார். முன்னர் " பர சமயம் விரும்பேன் " ன்னு 23 வது அந்தாதில சொன்னார். ஆக அவர் சமயம் அபிராமி சமயம் தான் அப்படிங்கறத இந்த அந்தாதில அழுத்தம் திருத்தமா சொல்றார் பட்டர் நமக்கு.

 "ஈன்றெடுப்பாள் ஒரு தாயும் இல்லை"

 இதன்பொருள்பொருள் நான்பிறவிப்பெருங்கடல்நீந்திவிட்டேன். இனி என்னை ஓர் தாய் ஈன்றெடுப்பாளோ? இல்லவே இல்லை.. இத்துடன் என்பிறவி முடிந்தது.. ஏனெனில் என் அன்னை அபிராமியின் பேரன்பு எனக்குக் கிடைத்திருக்கின்றது என தனக்கு மீண்டும் பிறவி இல்லை என அபிராமிப் பட்டர் திட்டவட்டமாகக் குறிப்பிடுகிறார். 

சகஸ்ராரம் சென்று அம்மையப்பனை தரிசித்தவர்களுக்கு அடுத்த பிறவி
ஏன் காமம் மட்டுமின்றி குரோதம், உலோபம், மதம், மார்ச்சர்யம் இவையும் இல்லை. .

அந்த நிலையைத்தான், பட்டர் இங்கு வர்ணிக்கிறார். அப்படிப்பட்ட நிலையை அடைந்துவிட்ட பிறகு, பிறப்பு என்று ஒன்று ஏற்படாது. ஜனன - மரண சங்கிலித்தொடரை அறுத்துவிட்ட பின்னர், ஜனனம் எப்படி ஏற்படும்? நிகழாது. அதைத்தான், பட்டரும், "ஈன்றெடுப்பாள் ஒரு தாயுமில்லை" என்று பேசுகிறார். 

அமையுறு தோளியர்மேல் வைத்த ஆசையுமே. :

பெண்ணாசை உட்பட. மண்ணாசை, பொன்னாசை, பெண்ணாசை என்னும் மூவாசைகளிலே, பெண்ணாசைதான் மிகவும் கொடுமை வாய்ந்தது. எப்படிப்பட்ட தவ யோகியர்களையும் கூட, "பெண்ணாசை" விட்டு வைக்கவில்லை.

அபிராமி பட்டரும் இங்கே அதையே சுட்டிக் காட்டுகிறார். அந்த இறைவனும் இறைவியும், ஏக உருவில் வந்து தமது பாதம் பணிய அருள் புரிந்த பின்னர், அந்தப் பெண்ணாசையும்கூட இற்றுப் போய்விட்டது என்று சொல்லுகிறார் பட்டர் 

என் மனதில் இனி நிறையப்போவது அழகான தோளையுடைய அபிராமியின் மேல் நான் வைத்திருக்கும் அன்பு மட்டுமே.

                                                                               கருத்துரை 

ஒளி போன்ற உமையவளும், அவளைத் தன்னுடலின் ஒரு பாகமாக ஏற்ற சிவபெருமானும் ஓருருவாக இணைந்து அர்த்தநாரியெனும் வடிவத்தில் என் கண்ணில் தோன்றி உள்ளத்தில் நிறைந்ததுடன், என்னை அவர்கள் மேல் பக்தியுண்டாகும்படி செய்துவிட்டனர்; (அதனால்) இனி இன்னொரு மதத்தையோ கடவுளையோ எண்ணப் போவதில்லை; பிறவாமை நிலையடையப் போவதால் எந்தத் தாயும் என்னை இனிப் பெற்றெடுக்க வேண்டியதில்லை; என் மனதில் இனி நிறையப்போவது அழகான தோளையுடைய அபிராமியின் மேல் நான் வைத்திருக்கும் அன்பு மட்டுமே.

இந்த பாடலின் கருத்து என்னன்னா, அன்னை அபிராமியின் அருள், அடியார்களை அத்தனிடம் அதாவது எம்பெருமானிடம் சேர்க்கும் என்பதுதான்.

                                                                பாடலை குருஜி  கற்பிக்கிறார் இசையுடன்

                                                                 U Tube Link for ANDROID  and   I PAD   PHONE

  

                                           https://youtu.be/Nb2Dy4mkZDM

                                                                                  அன்பர்கள் 

                                                                                                     

                                                                U Tube Link for ANDROID  and   I PAD   PHONE

                                              https://youtu.be/0XUD-TffWes

                                         

                                         அபிராமி சரணம் சரணம்!!

                                                   முருகா சரணம் 

ஸுப்ரமண்ய புஜங்கத்துல பதினேழாவது ஸ்லோகம்,

                                                                                   ஸுப்ரமண்ய புஜங்கம் .....17
                                                                                             

स्फुरद्रत्नकेयूरहाराभिराम-

श्चलत्कुण्डलश्रीलसद्गण्डभागः ।

कटौ पीतवासाः करे चारुशक्तिः

पुरस्तान्ममास्तां पुरारेस्तनूजः ॥ १७॥

ஸ்புரத்ரத்ன கேயூரஹாராபிராம:

ஸ்சலத் குண்டல ச்ரீலஸத் கண்டபாக: |

கடெள பீதவாஸா கரே சாருசக்தி:

புரஸ்தான் மமா ஸ்தாம் புராரேஸ் தனூஜ: ||

முருகப் பெருமானை ஆசார்யாள் இந்த ஸ்லோகத்துலேயும் , அதற்கடுத்த ஸ்லோகத்துலேயும்மூணாவதுஸ்லோகத்துலேயும் பரமேஸ்வரனுடனும், பார்வதியோடும் ஸ்மரிக்கறார். இதுல ‘புராரேஸ் தனூஜ’-ன்னு சொல்றார். கையில பராசக்தி கொடுத்த வேலோட எனக்கு தர்சனம் கொடுன்னு சொல்றார்

ஸ்புரத்ரத்ன கேயூரஹாராபிராம:

ஹாரம்னா அவருடைய கழுத்துல போட்டுண்டிருக்கிற மாலை,  ரத்னத்துனால பண்ணின மாலைகளும் கேயூரங்களும் ப்ரகாசிக்கறது. அந்த மாலைகள் எல்லாம் போட்டுண்டு, அவருடைய தோள்களும், மார்புகளும் ரொம்ப அழகா இருக்கு. ஆபரண விசேஷங்கள்லாம் சொல்றார்

ஸ்சலத் குண்டல ச்ரீலஸத் கண்டபாக: |

கண்டபாகம் ன்னா கன்னம் ன்னு அர்த்தம். காதுல போட்டுண்டிருக்க கூடிய அசையும் குண்டலிங்களின் ஒளி, அவருடைய கன்னத்துல பட்டு reflect ஆறது. கன்னம் ஒரு கண்ணாடி மாதிரி இருக்காம். அதுல பட்டு ப்ரகாசிக்கறது-ன்னு சொல்றார்.

 ‘கடௌ பீதவாஸா’

கடின்னா இடுப்பு. ‘பீதவாஸா’ பீதாம்பரம் பீதம்-ங்கற வார்த்தைக்கு மஞ்சள் வர்ணம்-னு அர்த்தம். மஞ்சள் பட்டு உடுத்திண்டு இருக்கார்.

கரே சாருசக்தி’ கைகளில் அழகான சக்தின்னா வேல் ன்னு அர்த்தம். பராசக்தி கொடுத்த அந்த வேலாயுதம். 

அந்த ஆயுதத்தையும் வச்சுண்டு 

‘புராரேஸ் தனூஜ’ 

பரமேஸ்வரனுடைய புத்ரனான குமாரஸ்வாமி

 ‘மம புரஸ்தாத்’ ஆஸ்தாம்’

என் முன்னால் எழுந்தருளட்டும்.


‘புரஸ்தான்’ என் முன்னால் ‘புராரேஸ்தனூஜ:’ புராரி ன்னா முப்புரங்களை எரித்த சிவபெருமானுடைய ‘ தனூஜ:’ன்னா பிள்ளை, அந்த முருகப் பெருமான் என் முன்னால் எழுந்தருளட்டும். எனவேண்டுகிறார்.


அருணகிரிநாதர் முருகனை நேருக்கு நேர் சந்தித்ததை அநேக பாடல்களில்  விளக்கி கூற முற்படுகிறார்.

காரணம தாக வந்து …… புவிமீதே

காலனணு காதி சைந்து …… கதிகாண

நாரணனும் வேதன் முன்பு …… தெரியாத

ஞானநட மேபு ரிந்து …… வருவாயே

‘இருநில மீதில் எளியனும் வாழ எனதுமுன் ஓடி வரவேணும்

வாழுமயில் மீது வந்து தாளிணைகள் தாழு மென்றன்

மாயவினை தீர அன்பு …… புரிவாயே

மதிதனை யிலாத எனத் தொடங்கும் திருப்புகழில் 

உனது ரூப தானம் அருள்வாயே என்கிறார்.

சிந்தையும் அவிழ்ந்து அவிழ்ந்து உரை ஒழித்து என் செயல் அழிந்து அழிய மெய்ச் சிந்தை வர என்று நின் தரிசனை பெறுவோனோ என்கிறார்

குலவு தோகை மீது ஆறுமுகமும் , வேலும், ஈராறு குவளை வாகும் நேர் காண வருவாயே..

வனமின் குஞ்சரி மாருடன் என்றன் முன் வருவாயே..

சுப்பிரமணிய புஜங்கத்தின் 10 ஸ்லோகங்களை சிறார்களின் இசையில் கேட்டு இன்புறுவோம்.

https://www.youtube.com/watch?v=IWi2AK33l_8&list=RDIWi2AK33l_8&t=57

                                             முருகா சரணம் 

புதிய வரிசை எண் 502

குருமஹிமை   இசை  புதிதாக சேர்க்கப்பட்ட பாடல்கள்  476-503

 புதிய வரிசை எண்  502 

"முறுகு கால" என்று தொடங்கும் பாடல்

சுவாமிமலை திருத்தலம் 

 பாடலும் பொருளும் காண குறியீடு

http://www.kaumaram.com/thiru/nnt0231_u.html

                                                                              பாடல் இசையுடன் 

                                                                17.10.2010 விஜய தசமி வழிபாடு 

                                                                                                         

                                                              Utube  Link for ANDROID  and   IPA   

                                                                                                                                                                                                                                          https://youtu.be/sa177RL6Dzg                                                                                                                                                                                                                                                     

                                                                               அன்பர்கள்   இசைக்கிறார்கள்  

                                                                                                       


                                                              Utube  Link for ANDROID  and   IPAD   PHONE   

                                                                                                                                                                                                                            https://youtu.be/rQKe58mlqOE

                   Part of Maha Sashti Thiruppugazh Isai   Vazipadu at Chennai on 25th Oct 2017

                                                          https://www.youtube.com/watch?v=hyiL-ic1NXI&feature=youtu.be

                                                                                                 

                                               முருகா சரணம் 

அபிராமி அந்தாதி - 30

                                                                          அபிராமி அந்தாதி - 30

                                                                                              

அன்றே தடுத்து என்னை ஆண்டு கொண்டாய் கொண்டதல்ல என்கை

நன்றே உனக்கு இனி நான் என் செயினும் நடுக்கடலுள்

சென்றே விழினும் கரையேற்றுகை நின் திருவுளமோ

ஒன்றே பல உருவே அருவே என் உமையவளே


அன்பரின் விளக்கவுரை 

அன்றே தடுத்து என்னை ஆண்டு கொண்டாய்

பாவம் இது புண்ணியம் எது என்று நான் அறியாத காலத்தில், நான் சிறுவனாக இருந்த காலத்திலேயே... நான் பாவக் கடலில் விழவிருந்த வேளையிலே.... என்னை விழாது தடுத்து உனது பேரருளால் அடியவனாக ஏற்றுக் கொண்டு என்னை ஆண்டு கொண்டாய். இதனால் நான் பாவக் கடலில் விழுந்து விடவில்லை அம்மா...

கொண்டதல்ல என்கை நன்றே உனக்கு? –

அப்படி என்னை அடிமையாகக் கொண்டுவிட்டு பின்னர் உன் உடைமையான என்னை இல்லை என்று சொல்வது உனக்கு ஏற்புடைத்தாகுமோ?

உனக்கு ஆட்பட்டு உன்னடிமையாக நான் இருக்கையிலே நான் எப்படி

விழுந்திடுவேன்... "கொண்டது அல்ல என்கை நன்றே உனக்கு?" ஆனால் இன்று பார்... உன்னை எண்ணி நான் தியானித்திருந்த வேளையில் அறியாது உரைத்த வார்த்தைகளுக்காக என்னைக் கொடுந்தீயில் தள்ளிவிட இம்மாந்தரெல்லாம் காத்திருக்கின்றனர்...

இதோ இருபத்தொன்பது பாடல்களைப் பாடிவிட்டேன்.. இருபத்தொன்பது கயிறுகள் உரியிலிருந்து அறுக்கப் பட்டுவிட்டன..

இது முப்பதாவது பாடல். இப்பாடல் முடிந்தபின் இன்னொரு கயிறும் 

அறுபடும் ஆனால் நீ இன்னும் வெளிப்படவில்லையே.

நீ என்னை உன் அடிமை இல்லை என்றுரைக்கப் போகிறாயா?

வெளிப்படாது மறைந்தே இருக்கப் போகிறாயா? அவ்வாறு

என்னை மறுதலித்தல் உனக்குத் தகுதியான செய்கையா அம்மா?

இனி நான் என் செயினும்

 இனிமேல் நான் என் செய்தாலும்

நடுக்கடலுள் சென்றே விழினும்– 

அறிவில்லாமல் நடுக்கடலுள் சென்று விழுந்தாலும்

 குழந்தை தன் தாயிடம் அன்புடன், உரிமை கொண்டு, ' நீ என்னை ஆட்கொள்ளவில்லை என்று சொன்னால், நான் நடுக்கடலில் வீழ்ந்து விடுவேன். பிறகு காப்பாற்ற வேண்டியது உன் பொறுப்பு ' -என்கிறார்.( நடுக்கடல் -.ஸம்ஸார ஸாகரம்)

"கற்றூணைப் பூட்டிக் கடலிற் பாய்ச்சினும், நற்றுணையாவது நமச்சிவாயவே.." என்று அப்பர்

பெருமான் ஈசன் மீது நம்பிக்கை வைத்து பாடியதும், ஈசன் அருளால் அக்கற்றூணே மிதவையாகி அவரை மீட்டு வந்த வரலாறு இவ்விடம் நினைவுக்கு வருகிறது..

கரையேற்றுகை நின் திருவுளமோ –

என்னைக் காத்துக் கரையேற்றுவது உன் திருவுள்ளம் தானே?!

ஒன்றே பல உருவே அருவே என் உமையவளே –

அம்பாள், பரமார்க்கத்தில் ஒருத்தியாக இருந்தாலும் ந.ந்த்தகீ ( நடிகை) போல பலவிதமான வேஷங்களைப் போட்டுக்கொண்டு பலவிதமான ரூபங்களுடன் இருக்கிறாள்என்று எல்லா புராணங்களும், நூல்களும், வேதங்களும் கூறுகின்றன.

 இறை என்னும் போது ஒன்றாகவும், அவரவர் தம் மனத்திற்கு ஏற்ற வகையில் வணங்கும் பல உருவங்களாகவும், இறைவனுக்கு உருவம் இல்லை என்று உருவமற்ற இறைவனை வணங்குபவர்களுக்கு அருவமாகவும் இருக்கும் என் அன்னை உமையவளே!

உலகமெல்லாம் பரவி நிற்கும் ஒரே இறைசக்தியான அன்னை பராசக்தியே... அன்பர் விரும்புமிடத்து அவர் விரும்பும் வடிவில், கலைமகளாக, அலைமகளாக, மலைமகளாக, நான்முகனாக, நாராயணனாக,  

முக்கண்ணனாக, ஆனைமுகனாக, ஆறுமுகனாக, என பல்வேறு வடிவுகளிலும் காட்சியளிப்பவள் நீயே... 

அவன் அரூபமானவன் என்று உரைப்போரிடத்து நீயே அவ்வருபமாகத் 

தோன்றுகின்றாய் அனைத்தும் என் தாயாகிய உமையவள் நீயே.

லலிதா சஹஸ்ரநாமமும் அன்னையை

666. பூமரூபா - அனைத்துமாக இருப்பவள். பூமா என்ற சொல்லிற்கு ப்ரஹ்மம் என்றே பொருள். எனவே ப்ரஹ்ம வடிவானவள். 

401. விவிதாகாரா - பலவித ரூபங்களையுடையவள்னு சொல்றது.

137. நிராகாரா - உருவம் இல்லாதவள். - நாம் காணும் அவள் வடிவங்கள் - மாயை. அவளுடைய உண்மை ஸ்வரூபம் - வடிவற்றதே. எங்கும் வ்யாபித்து இருப்பதால் அவளுக்கு குண ஸம்பந்தமான உருவம் ஏதும் இல்லை என்று இந்த நாமாவின் பொருள்.

824. பஹுரூபா - பல உருவங்கள் உள்ளவள்.

 ( 665) - ஏகாகினி - தனித்து இருப்பவள். தன்னைத் தவிர வேறான எந்த ஒரு வஸ்துவும் இல்லாமல் தனித்து நிற்பவள்.

623. கேவலா - தனித்த வடிவினள். வேறு எந்த குணமோ, தோஷமோ கலக்காமல் தானாக இருப்பவள். கேவலம் - ' மிகச் சிறந்தது ' - ' தனித்தது ' என்று பொருள்.

இறைவன் மீது நம்பிக்கை... முழு நம்பிக்கை வைக்க வேண்டுமென 

இப்பாடல் நமக்கு அறிவுறுத்துகிறது.. என்னதான் நடந்தாலும் சரி... 

நம்மை காக்க அன்னை கண்டிப்பாக வருவாள் என்ற நம்பிக்கையை நம்

மனத்துக்குள் விதைக்கும் பாடல் இது. 

பரிபூரண நம்பிக்கையை நாம் அன்னைமேல் வைத்தால் மட்டுமே

" நாள் என் செய்யும்? வினைதான் என் செய்யும்?
நாடி வந்த கோள் என் செய்யும்? குமரேசர் இரு
தாளும், சதங்கையும், தண்டையும்,
என் கண் முன்னே தோன்றிடினே"

என்ற அருணகிரிநாதரின், கந்தர் அலங்காரத்தினை நினைவு படுத்துகிறது.

கூற்றாயினவாரு விலக்ககிலீர்" என்ற, திருநாவுக்கரசரின் பதிகத்தினையும் நினவுறுத்துகிறது.

இந்தப் பாடலைப் பயிலும்போது, மார்கண்டேய சரித்ரம் நினைவுக்கு வருகிறது.

அந்த எமனையும் உதைத்த கால்கள், எம் அம்மையின் கால்கள் அன்றோ? எம் பெருமானின் இடது திருவடி அன்றோ எமனை உதைதது!

இந்தப் பாடல், மிக அழகிய தத்துவங்களையும் நினவு படுத்துகிறது.

"மர்க்கட கிசோரம்" , "மார்ஜர கிசோரம்" என்று இரண்டு வித பக்தி மார்கங்கள் உண்டு.

 முதலாவதிலே, "மர்க்கட கிசோரம்" என்ப்படும் மார்கத்திலே, குரங்கு போன்றதான பக்தி பேசப்படுகிறது. குரங்கு, தன் குட்டிகளை பற்றி கவலைப் படுவது இல்லை.

அது, தன் மனம் போன போக்கிலே செல்லும். ஒரு மரத்திலிருந்து, இன்னொரு மரத்திற்குத் தாவும். குட்டிகளோ, தாயினை விடாமல், கெட்டியாக பிடித்துக் கொள்ளும். விழுந்து விடாமல் இருப்பது, குட்டிகளின் இருக்கமான பிடியில்தான் இருக்கிறது.

மிகப் பலர் பக்தி செய்வது, "மர்க்கட கிசோரம்" போன்றதுதான். அவர்கள் தான், விடாப் பிடியாக, அந்த அம்மையைப் பற்றிக் கொள்ள வேண்டும். அந்த அம்மை, தம்மை விட்டு விடாமல் இருப்பத்ற்காக, முயற்சிகள் பல செய்ய வேண்டும்.

இன்னொரு வித பக்தி, "மார்ஜர கிசோரம்" எனப்படுவது. இங்கே, பூனை தன் குட்டிகளை எப்படிப் பார்த்துக் கொள்கிறதோ, அது போன்ற பக்தி பேசப் படுகிறது.

பூனைக் குட்டிகள், தாமாக எந்த முயற்சியும் எடுப்பது இல்லை. குரங்கு குட்டிகள் போல் இல்லாமல், பூனை குட்டிகள் அவை போன போக்கிலே விளையாடிக் கொண்டிருக்கும். தாய்ப் பூனைதான், ஒரு இடத்திலிருந்து மற்றொரோ இடத்திற்குச் செல்லும்போது, குட்டிகளை விடாமல், வாயில் கவ்விக் கொண்டு செல்லும். குட்டிகளுக்கு வலிக்காமல் கவ்விக் கொண்டு செல்லும்.

மிகச் சிலருக்கே, "மார்ஜர கிசோரம்" போன்ற பக்தி வாய்க்கிறது. இந்த பக்தர்கள் என்ன செய்தாலும், அந்தத் தாய் விடுவது இல்லை. அவர்களை, மீண்டும், மீண்டும், தனது அன்பெனும் பிடிக்குள் கொண்டு வந்து அவர்களை உய்விக்கிறாள். இந்த பக்தர்கள் எங்கு சென்று வீழினும், எது செய்தாலு, தீமையே செய்தாலும் கூட, அவர்களைக் கரை ஏற்றுகிறாள்.

அபிராமி பட்டரும், முதலில் தாம் அன்னையைப் பற்றிக் கொண்டது போக, இப்போது, அந்த அம்மை, தன்னைப் பற்றிக் கொண்டதை பற்றி நினத்து நினைத்து ஆனந்தப் படுகிறார்.

இந்த பக்தி எளிதில் வாய்த்து விடாது. சுத்த சரணாகதி நிகழும்போது மட்டுமே அம்மை அந்த பக்தனைத் தானே வலிய வந்து ஆட்கொண்டு அருளுகிறாள்.

திரௌபதி, ஒரு கையால், தனது புடவை முந்தானையைப் பிடித்துக் கொண்டு, துச்சாதனனிடம் போராடிய வரையில், கண்ணன் வெறுமனே 

பார்த்துக்கொண்டுதான்  இருந்தான் அவள், தனது 

இரு கைகளையும் மேலே கூப்பி, கண்ணா என்று கதறிய போதுதான், முழு சரணாகதி நிகழ்ந்த போதுதான், ஓடி வந்து அருள் புரிந்தான்.

மார்க்கண்டேயன் ஓடி வந்து, சரணாகதி என்று விழுந்து கதறியபோதே அந்த ஈசனும் மனம் கனிந்து, காலனை உதைத்து அருளினார்.

அதே விதத்தில், அபிராமி பட்டரும், 'அம்மா, இனி எல்லாமும் நீதான். நீயே கதி" என்று சரணாகதி செய்துவிட்டதால், அம்மை மனம் கனிந்து விட்டாள். அவளே வந்து ஆட்கொண்டு அருள் செய்கிறாள்.

இதைத்தான் பட்டரும் எண்ணி எண்ணி, வியக்கிறார்.

ஆக பட்டர் சொன்னபடி நாம்பளும் அன்னையை எந்தவிதமான சந்தேகம் கொள்ளாமல் பரிபூரணமா பக்தி பண்ணுவோமா!!

அபிராமி சரணம் சரணம்!!

                                                                                         

                                                                பாடலை குருஜி  கற்பிக்கிறார் இசையுடன்

                                                                                     

                                                                 U Tube Link for ANDROID  and   I PAD   PHONE

                                               https://youtu.be/kL6wFrxopTs

                                                                                  அன்பர்கள் 

   

                                                                                                                                                        

                                                              U Tube Link for ANDROID  and   I PAD   PHONE

                                            https://youtu.be/E1m7og9DGAI

                                                                             அபிராமி சரணம் 

                                                                              முருகா சரணம்