Tuesday 29 April 2014

செம்பூர் செட்டாநகர் திருப்புகழ் வகுப்பு -வெள்ளி விழா

மும்பையில் 40க்கும் மேற்பட்ட திருப்புகழ் வகுப்புக்கள் நடை பெற்று வருவது அன்பர்கள் அறிந்ததே.வகுப்பு நடத்தும் ஆசிரியர்கள் பல இன்னல்களை மேற்கொண்டு வகுப்புக்களை தவறாமல் நடத்தி வருகிறார்கள்.அதை நன்கு உணர்ந்த அன்பர்களும் தவறாமல் கலந்துகொண்டு ஆர்வத்துடன் கற்று வருகிறார்கள்.இது ஆசிரியர்களுக்கு மிக்க மன மகிழ்ச்சியை அளித்து வருகிறது.

அத்தகைய வகுப்புக்களில் ஒன்று செட்டாநகர் பகுதியில் 25 ஆண்டுகளாக நடை பெற்று வரும் வகுப்பு 24.3.1989 புனித வெள்ளி அன்று தொடங்கப்பட்ட வகுப்பு பல சிறப்புக்கள் கொண்டது.பாலு சார்/மாமி இருவரும் கற்பிக்கும் ஒரே வகுப்பு. இதில் கலந்துகொள்வது தங்கள் பாக்கியம் என்றே மாணவர்கள் உணர்ந்து கற்று வருகிறார்கள் இடையில் வகுப்புக்கு விடுமுறை என்பதே கிடையாது.சார்/மாமி தவிர்க்க முடியாத காரணங்களால் வர முடியா விட்டால் மற்ற ஆசிரியர்கள் நடத்துகிறார்கள்.சொல்லப்போனால் சில ஆசிரியர்களே இங்கு மாணவர்கள்.செம்பூர் பகுதிகளுக்கு  வர நேரும்  மற்ற ஆசிரியர்களும், அன்பர்களும் வகுப்பில் கலந்து கொள்வதை தங்கள் முதல் கடமையாக கருதுகிறார்கள்.மற்றும் பாடல்களுக்கு வகுப்பு மாணவர்கள் சிலர்  அவ்வப்போது பொருள் /விளக்க வுரை கூறி மற்றவர்களின் பாராட்டுக்களை பெறுகிறார்கள்.

வகுப்பின் ஆண் டு  விழா ஒவ்வொரு ஆண்டும் புனித வெள்ளி யன்று வழிபாட்டுடன் கொண்டாடப்பட்டு வருகிறது.இந்த ஆண்டு வெள்ளி விழாவாக அமைந்ததால்  மிக சிறப்பாக வழிபாட்டுடன் கொண்டாடப்பட்டது. அஹமதாபாத் குடி பெயர்ந்துள்ள கல்யாணி மாமி கலந்து கொண்டது அன்பர்களுக்கு மிக்க மகிழ்ச்சி அளித்தது.சார்/மாமி கௌரவிக்கப்பட்டார்கள்.

செம்பூர் /காட்கோபர்  பகுதில் உள்ள மற்ற அன்பர்களும் ,குறிப்பாக  இளைய தலைமுறையினரும் இந்த வகுப்பில் கலந்து கொண்டு பெருமான் அருள்பெற வேண்டுகிறோம் .

முகவரி 

Smt. Brinda Karthik
3.Vanamaali Bldg
Cheddanagar
Mumbai 400089
 Tel.25258215

சில புகைப்படங்கள் அன்பர்கள் பார்வைக்கு இணைக்கப்பட்டுள்ளன.









Thursday 10 April 2014

பங்குனி உத்திரம் 2014

              
‪‎பங்குனி‬ உத்திரம் இந்த வருடம் (13.4.2014) அன்று வருகிறது

பங்குனி உத்திரம் என்பது சைவக் கடவுளாகிய முருகனுக்குரிய சிறப்பு மிக்க விரதமாகும். இவ்விரதமானது பங்குனி மாதத்தில் வரும் உத்தர நட்சத்திரத்தில்கடைப்பிடிக்கப்டுகின்றது.
(தமிழ் மாதங்களில் 12ம் மாதம் பங்குனி, நட்சத்திரங்களில் 12ம் நட்சத்திரம் உத்தரம்).எனவே 12 கை வேலவனுக்குச் சிறப்பான தினமாகக் கொண்டாடப்படுகிறது.
இத்தினத்தில் முருகன் கோயில்களில் அநேகமாக வருடாந்த திருவிழாக்கள் (மஹாற்சவம்) நடைபெறும்.

#பங்குனி ‪#‎உத்திர‬ நன்னாளில் சிறப்புக்கள்.

1. இமவான் தன் மகள் பார்வதியை சிவனுக்கு திருமணம் செய்ய தேர்ந்தெடுத்த நன்நாள்.
2. காஞ்சியில் காமாட்சி அம்மன் ஆற்று மணலை சிவலிங்கமாக பிடித்து வழிபட்டு சிவனின் அருளைப் பெற்றது.
3. பங்குனி உத்தரத்தில் தான் தர்ம சாஸ்தாவான சபரிமலை ஐயப்பன் அவதரித்தார்.
4. சிவனின் தவத்தை கலைக்க நினைத்த மன்மதனை சிவன் எரித்தார்.(ரதியின் பிரார்த்தனைக்குஇணங்க மன்மதனை சிவன் உயர்பித்த நாளும் இதுதான்).
5. பக்தியுள்ள கணவர் கிடைக்க தட்சனின் மகளாக பிறந்ததற்காக வெட்கம் கொண்ட தாட்சாயணி, மலையரசன் இமயவானின் மகளாக பிறந்து பாவை என்ற பெயரில் சிவனை வேண்டி கடும் தவம் இருந்தாள்.
பார்வதியின் தவத்தில் மகிழ்ந்த சிவன், ஒரு பங்குனி உத்தரத்தன்று அவளுக்கு காட்சி தந்து திருமணம் செய்து கொண்டார். (இந்நாளில் தம்பதியர் விரதம் இருந்து சிவன், அம்பாளுக்கு அபிஷேகம் செய்து நீண்டநாள் ஒற்றுமையுடன் வாழ அவரது அருளைப் பெறலாம்.)
6. மார்க்கண்டேயனுக்காக சிவன் காலனை தன் காலால் உதைத்த நாள் இத்தனை சிறப்பு வாய்ந்த பங்குனி உத்திர தினத்தில் நாமும் இறைவனை பிரார்த்தித்து இறைவனின் பரிபூரண அருளை பெறுவோம்.
7. மதுரையில் மீனாட்சி சுந்தரேஸ்வரர் திருமணம் நடந்ததும், ராமர்,லட்சுமணன், சத்ருகன் ஆகியோருக்கும் திருமணம் நடந்ததும், திருப்பரங்குன்றத்தில் முருகன் தெய்வானை திருமணம் நடந்ததும். ஆண்டாள் ரங்கமன்னார் திருமணம் நடந்ததும் சிறப்பு மிக்க பங்குனி உத்தர நன்னாளில்தான்.
8. பஞ்ச பாண்டவர்களில் அர்ச்சுனன் பிறந்ததும், இடும்பன் மூலம் காவடி தூக்கும் பழக்கம் ஆரம்பித்ததும் பங்குனி உத்தரம் அன்றுதான்.
9. திருமண மாகாத பெண்கள் இந்த விரதத்தை அனுஷ்டித்தால் பக்தியுள்ள கணவர் கிடைப்பார் என்பது ஐதீகம் 

பக்தர்கள் தங்களை வருத்திக்கொண்டு நேர்த்திக்கடனை இந்நாளில் செலுத்துவதும் உண்டு.சென்னையில் சென்ற ஆண்டு நடைபெற்ற காட்சியைப்பாருங்கள்.



 நம்முடைய வழிபாடு வழக்கம்போல் செம்பூர் சங்கராலயத்தில் 13.4.2014 ஞாயிறு மாலை 3.30 மணிக்கு நடை பெறுகிறது. அழைப்பிதழ் இணைத்துள்ளோம். அன்பர்கள் பெருமளவில் கலந்துகொண்டு முருகன் அருள் பெற வேண்டுகிறோம்.